Нартай, хуртай зуны энэ өдрүүдэд Гүүд Нэйборсынхон бид хамгийн отгон салбар болох Орхон аймагт ахин зочлоод ирлээ. Айлаас айлд, хүнээс хүнд хүрч, иргэдийн оролцоотойгоор орон нутгийн хөгжлийг бүтээх чинхүү хүсэл тээж ажиллахдаа энэ удаагийн томилолтоор Баян-Өндөр сум-ын Эрдэнэ, Их Залуу, Яргуйт, Дэнж багийн иргэд, олон нийтэд тулгуурлан ирэх 5 жилд хийж гүйцэтгэх ажлынхаа суурь судалгааг Хүүхдийн эрх хамгаалал, Боловсрол, Эрүүл мэнд, Ундны ус эрүүл ахуй, Сүлжээ хамтын ажиллагаа зэрэг зорилтот хөтөлбөрүүдийнхээ хүрээнд амжилттай аваад ирцгээлээ.

Судалгаа авах, айлуудаар зочлох энэ хариуцлага өндөр ажлын маань ар тал болж хамтран ажилласан Орхон ОНХХ-ийн хамт олон, багуудын Засаг даргын тамгын газар, нийгмийн ажилтнууд, хэсгийн ахлагч нартаа баярласан талархснаа илэрхийлье!

Эрдэнэтийн хүн зоны аж амьдрал нь дэлгэр зун шиг жаргалтай байг.