Гүүд Нэйборс ОУТББ-ын төсөл, хөтөлбөр хэрэгжиж буй Азийн 15 орны бага ангийн сурагчдыг хамарсан “Дэлхийн хүүхэд залуучуудын сүлжээ” бага ангийн хөтөлбөр тав, зургаадугаар саруудад хэрэгжиж дууслаа. Тус хөтөлбөрт Монгол улсаас Налайх дүүргийн 119-р сургуулийн 5-р ангийн сурагчид хамрагдаж үр дүнгийн уулзалтаа 6-р сарын 9-ний өдөр зохион байгуулж сурагчид хөтөлбөрөөс сурч мэдсэн зүйлээ эцэг эх, багш нарын төлөөлөлд тайлагнан танилцуулсан юм. 

Бүтэн сарын хугацаанд үргэлжилсэн тус хөтөлбөрийн хүрээнд сурагчид хог хаягдлыг ангилан хаях ёстой, байгаль орчноо хайрлан хамгаалах ёстой зэргийг маш сайн ойлгосон гэж сэтгэгдэл бүхий шийдвэрээ хуваалцсан нь бидэнд том урам өгсөн. Энэ ээлжийн хөтөлбөрт хамрагдсан нийт сурагчдадаа халуун баяр хүргэж, цаашдын хичээл сурлагад нь өндөр амжилт хүсье!