Сурагчдын сэтгэл зүйн эрүүл мэндийг дэмжих төслийн хүрээнд сэтгэл зүйн зөвлөгөө, үйлчилгээний орчин нөхцөлийг сайжруулах, хүртээмжийг нэмэгдүүлэх зорилгоор Налайх дүүргийн Ерөнхий Боловсролын 109-р сургуульд сэтгэл зүйн зөвлөгөөний өрөө, сэтгэл зүйн эрүүл мэндийг дэмжих сургалтын танхимыг иж бүрэн тохижуулан хүлээлгэн өглөө. 

Ийнхүү тус сургуулийн суралцагчид, багш, эцэг эхчүүд сэтгэл зүйн зөвлөгөө, сургалтад хамрагдах орчин нөхцөлөөр хангагдаад байна. Мөн энэхүү төслөөр дамжуулан Налайх дүүргийн нийт сургуулийн сэтгэл зүйчдийг чадавхжуулж, зөвлөгөө өгөх арга зүйн дэмжлэг үзүүлэхээр ажиллаж байна.