Нийслэлийн Боловсролын газраас Нийслэлийн Засаг даргын Тамгын газар, Нийслэлийн Засаг даргын хэрэгжүүлэгч агентлагууд, ОУБ-ууд болон Төсөл хөтөлбөр хэрэгжүүлэгч нэгжүүдийн дунд “Нийслэлийн боловсролын байгууллагын салбар хоорондын хамтын ажиллагаа, төсөл хөтөлбөрийн хэрэгжилтийн явц, үр дүн”-г танилцуулах, мэдээлэл солилцох уулзалтыг зохион байгууллаа. 

Тус уулзалтад Гүүд Нэйборс ОУТББ-ын Монгол дахь Төлөөлөгчийн газар нь 2023-2024 оны хичээлийн жилд Боловсролын байгууллагад суурилан хэрэгжүүлсэн төсөл, хөтөлбөрүүдийн талаарх танилцуулга мэдээллийг оролцогч талуудад хүргэлээ. 

Боловсролын чиглэлээр хэрэгжүүлж буй төсөл, хөтөлбөрүүдийн үр дүн, мэдээлэлтэй танилцах, Салбар хоорондын хамтын ажиллагаа өргөжүүлсэн олон талын ач холбогдолтой энэхүү уулзалтыг зохион байгуулсан Нийслэлийн Боловсролын газарт талархал илэрхийлье.